27‏/08‏/2010

قصيدة: أخاف أحبك


أخاف أحبك

أخاف عليكي

أخاف أكون دمعة تعرفها عنيكي

أخاف يوم ما استهلش فيه ضحتك

ما استهلش فيه دمعتك

ولا حتي لمسة أيديكي

أتقولي كنت بحب قبلك

وأنا مالي بيوم من قبلي مضي

هنعيش حياتنا من النهارده أيد في أيد

لا هنسمع للماضي صوت ولا حتي صدي

هنعيش الدنيا كأن غيرنا فيها مافيش

كأننا شمس وقمر بيسبحوا في الفضا

حبيبـــــــــتـــي

الحب مش اختيار

الحب اصرار

الحب قرار زي القضي

أنا كنت لما بحب ... كنت بحب من بعيد لبعيد

كنت برحل في سكوت

أخاف أحبك

أصلي شاعر ... والشاعر لما يحب يموت

نفسي أصرخ وأقول بحبك

أصرخ في كل الوجود

ارسم قلب واحد جواه اسمي واسمك

اكتب علي كل جدران البيوت

بحبك

نفسي أحضن القمر

أصاحب الليل والسهر

أبوس كل الورود

عشان بحبك

بعدك عني ناري

وقربك مني جنتي

حبيبتي

أنتي ملكة علي عرش قلبي

وقلبك ممكلتي ودنيتي

شعرك ليلي وسمايا

عيونك بحوري

شفايفك عشقي وغنايا

حبك وطني

أحلامك شعبي

أحارب عشانهم حتي النهاية

ضلوعي قصر ليكي

أشعاري حراس يحاربوا عشانك معايا

ويدافعوا عن حدود دولتي

اللي هي قلبك
اللي هي قلبك

قصيدة من ديوان (مصري تايه في بلاده للطهنشاوي)
الحقوق الفكرية محفوظة للشاعر

ليست هناك تعليقات:

إرسال تعليق